ढकाल प्यानलबाट एशोसिएट्स, वस्तुगत र जिल्लातर्फका केन्द्रीय सदस्यहरुको उम्मेदवारी दर्ता,

काठमाडौं ।नेपाल उद्योग वाणिज्य महासंघको आसन्न निर्वाचनका लागि वरिष्ठ उपाध्यक्षका उम्मेदवार चन्द्रप्रसाद ढकालले मुलुकमा वैदेशिक लगानी भित्र्याउन, निजी क्षेत्रको प्रवद्र्धन गर्न र, सरकार र निजी क्षेत्रबीच पुलको काम गर्दै देशमा लगानीमैत्री वातावरण बनाउन, रोजगारी सिर्जना गर्न आफु नेतृत्वको टीमको जीत आवश्यक रहेको बताउनुभएको छ ।


‘निजी क्षेत्रका सानो व्यवसाय प्रवद्र्धनदेखि तथा ठूला उद्योगको संरक्षण तथा प्रवद्र्धन गर्दै वैदेशिक लगानी भित्र्याई देशमा रोजगारी सृजना गर्ने उद्देश्य अनुरुप मेरो नेतृत्वमा हामीले उम्मेदवारी दर्ता गराएका छौं,’ आफ्नो टीमका सदस्यहरुको उम्मेदवारी दर्ता कार्यक्रममा उहाँले भन्नुभयो, ‘मेरो नेतृत्वको टीमले देशमा लगानी मैत्री वातावरण बनाउन सरकारसँग अझ सशक्त रुपमा सहकार्य गर्नेछ ।’


कार्यक्रममा महासंघका पूर्वअध्यक्ष एवं विशिष्ट सदस्य चण्डीराज ढकालले चन्द्रप्रसाद ढकाल नेतृत्वको टीमले समावेशी रुपमा सबै पक्षलाई मिलाएर अघि बढेकाले उहाँको टीमको जित सुनिश्चित रहेको बताउनुभयो । उहाँले महासंघको नेतृत्वका लागि चन्द्रप्रसाद ढकाल नेतृत्वको टीम नै सबल र सक्षम भएको र सफल हुने दावी गर्नुभयो ।


ढकाल प्यानलबाट आज नै विभिन्न व्यक्तिहरुले जिल्ला तथा नगर, वस्तुगत र एशोसिएट्सतर्फबाट केन्द्रीय सदस्य पदमा उम्मेदवारी दर्ता गराउनुभएको छ ।


जसमा वस्तुगततर्फ केन्द्रीय सदस्यमा हेमराज ढकाल, आकाश अधिकारी, कमला श्रेष्ठ, जय शिवाकोटी, सुवास भण्डारी, प्रकाश सिंह कार्की, भक्त हमाल, सुवोध कुमार गुप्ता, सुमित केडिया, रविन कुमार श्रेष्ठ, नरेशलाल श्रेष्ठले उम्मेदवारी दर्ता गराउनुभएको छ । वस्तुगततर्फका बाँकी केन्द्रीय सदस्यका उम्मेदवारहरुले केहीदिनभित्रै उम्मेदवारी दिनुहुनेछ ।


यसैगरी जिल्ला नगरतर्फबाट अशोक ताम्राकार, तारानाथ घिमिरे, उमेश डामियालगायतले उम्मेदवारी दर्ता गराउनुभएको छ । यस प्यानलबाटै राजन श्रेष्ठ, बोधनाथ दुवाडी, कमल श्रेष्ठ, नन्दलाल वैश्य, सुरकृष्ण वैद्यलगायतले उम्मेदवारी दर्ता गरिसक्नुभएको छ ।
एशोसिएट्सतर्फ ढकाल प्यानलबाट अजित बस्नेत, अम्बिकाप्रसाद पौडेल, रामशरण थपलिया, भरत आचार्य, विनोद ढकाल, विराट थापा, गोपाल खनाल, कृष्णलाल महर्जन, बाबुकाजी कार्कीलगायतले उम्मेदवारी दर्ता गराउनुभएको छ ।


बाँकी केन्द्रीय सदस्य पदका उम्मेदवारहरुले पनि केहीदिनभित्रै उम्मेदवारी गर्दा गराउने ढकाल प्यानलका जिल्ला/नगरतर्फका उपाध्यक्ष गुणनिधी तिवारीले जानकारी दिनुभयो ।

तिवारीले वरिष्ठ उपाध्यक्षका उम्मेदवार चन्द्र प्रसाद ढकालको पहलमा पाल्पामा दुर्घटनामा परी थप उपचारका लागि हेलिकप्टरमार्फत काठमाडौं ल्याइएका महासंघका केन्द्रीय सदस्य किशोर आचार्य र कोहलपुर उद्योग वाणिज्य संघका अध्यक्ष चक्र अधिकारीले यस अघि नै उहाँको टीमबाट जिल्ला नगरतर्फको केन्द्रीय सदस्य पदमा उम्मेदवारी दिइसक्नुभएको बताउनुभयो ।

फेसबुकबाट तपाईको प्रतिक्रिया