कोहलपुरमा उपचाररत कञ्चनपुरकी एक कोरोना संक्रमित सुत्केरीको मृत्यु

१८ असोज, बाँके । कोहलपुरस्थित नेपालगञ्ज मेडिकल कलेजमा उपचाररत कञ्चनपुरको महेन्द्रनगर–१ निवासी २९ वर्षीया एक कोरोना संक्रमित सुत्केरीको आज बिहान साढे ४ बजे मृत्यु भएको छ ।

उनले कैलालीको धनगढीस्थित सेती अस्पतालमा अपरेसन नगरीएक छोरा र एक छोरीलाई जन्म दिएकी थिइन् ।

उनी गर्भवती भएदेखि नै रक्तश्राव हुँदै आएको र सुत्केरी भएपछि पनि उच्च रक्तश्राव भएको थियो । त्यसपछि उनको पाठेघरको अपरेसनका साथै ८ पोका होल रगत र ४ पोका प्लेटलेट रगत दिइएको थियो ।

साथै कोरोना संक्रमणको आशंकामा ती महिलाको स्वाब परीक्षण गर्दा असोज १४ गते रिपोर्ट पोजेटिभ आएको थियो । कोरोना संक्रमण पुष्टि भएपछि उनलाई कोहलपुरस्थित नेपालगञ्ज शिक्षण अस्पतालमा उपचारका लागि रिफर गरिएको थियो ।

असोज १५ गते अपराह्न ४ बजे कोहलपुरमा भर्ना हुँदा उनी बेहोस अवस्थामा रहेको र रोगको प्रकृतिअनुसारका सबै उपचार गर्दागर्दै आज बिहान मृत्यु भएको अस्पतालले जारी गरेको प्रेस नोटमा उल्लेख छ ।

फेसबुकबाट तपाईको प्रतिक्रिया