पछिल्लो २४ घण्टामा १५७३ जनामा कोभिड-१९को संक्रमण पुष्टि

काठमाडौं । देशभार पछिल्लो २४ घण्टामा १५७३ जनामा कोभिड-१९को संक्रमण पुष्टि भएको छ ।

देशभरका प्रयोगशालामा १० हजार १२३ नमुना परीक्षण गर्दा ५२४ महिला र १०४९ पुरुषमा संक्रमण पुष्टि भएको हो । यससँगै नेपालमा कुल संक्रमितको संख्या ७३ हजार ३९४ पुगेको छ ।

उनीहरुमध्ये ४७७ जनाको मृत्यु भएको छ भने ५३ हजार ८९८ जना संक्रमणमुक्त भएका छन् । पछिल्लो २४ घण्टामा मात्र ८८५ जना संक्रमणमुक्त भएका छन् ।

देशभरमा सक्रिय संक्रमितको संख्या १९ हजार १९ रहेको स्वास्थ्य तथा जनसंख्या मन्त्रालयले जनाएको छ । उनीहरुमध्ये २२५ जना आईसीयू र ३३ जनाको भेन्टिलेटरमा उपचार भइरहेको छ । १० हजार ६९८ जना होम आइसोलेसनमा छन् ।

फेसबुकबाट तपाईको प्रतिक्रिया