युक्रेनमा विमान दुर्घटना,२२ जनाको मृत्यु

काठमाडौं । खार्किभ एयर फोर्स विश्वविद्यालयका प्रशिक्षार्थी विद्यार्थी सवार युक्रेनमा एक सैन्य विमान अवतरणको क्रममा युक्रेनको पूर्वी शहर खार्किभमा दुर्घटना हुँदा २२ जनाको मृत्यु भएको छ ।

मृतक अधिकांश वायु सेनाका प्रशिक्षार्थी जवान रहेको युक्रेनका अधिकारीलाई उद्धृत गरी अन्तर्राष्ट्रिय सञ्चारमाध्यमले जनाएका छन् ।

रुसी आपत्कालीन मन्त्रालयका अधिकारीले विमानमा २८ जना रहेको बताएका छन् ।

दुर्घटनामा दुईजनाको अवस्था गम्भीर रहेको बताइएको छ । बेपत्ता चार जनाको खोजी भइरहेको स्थानीय अधिकारीले बताएका छन् ।

दुर्घटनापछि विमानमा आगो लागेको थियो ।

फेसबुकबाट तपाईको प्रतिक्रिया